Իրանի անվտանգության ուժերը ձերբակալել են մոտ 30 ադրբեջանցու

Իրանի անվտանգության ուժերը ձերբակալել են երկրում բնակվող 29 ադրբեջանցի ակտիվիստների, որոնց զայրացրել էր այն, որ ՀՀ վարչապետ Նիկոլ Փաշինյանին ջերմ են ընդունել Իրանում, նաև` որ Թեհրանի «Արարատ» ակումբում հայկական համայնքի հետ հանդիպման ժամանակ «Արցախը Հայաստանն է, և վե՛րջ» գրությամբ պաստառի ֆոնին նա սելֆի էր արել:

Minval.az-ը, gunaz.tv-ին հղումով, հայտնում է, որ մարտի 2-ին ուժայիններն աշխատավայրում ձերբակալել էին ակտիվիստ Յուսիֆ Սալահշուրին: Իսկ մարտի 1-ին ֆուտբոլային հանդիպումից հետո մարզադաշտից դուրս գալիս ձերբակալվել է 28 ադրբեջանցի. Թավրիզի մարզադաշտում «Տրակտորսազի» ֆուտբոլային թիմի ադրբեջանցի երկրպագուներն այրել էին ՀՀ դրոշը: