Պակիստանի զինվորականները խախտել են հրադադարի ռեժիմը. Asian News International

Պակիստանի զինվորականները խախտել են հրադադարի ռեժիմը և Հնդկաստանի հյուսիսային Ջամու և Քաշմիր նահանգի մի քանի բնակավայրեր գնդակոծել: Այս մասին տեղեկացնում է Asian News International-ը:

Միջադեպը տեղի է ունեցել Պունչ շրջանում: Նշվում է, որ հնդկական բանակը պատասխանել է գնդակոծությանը:

Հիշեցնենք, որ փետրվարի 27-ին Պակիստանի բանակը հայտնել էր, որ Հնդկաստանի ռազմաօդային ուժերի  2 օդանավ խոցվել են Պակիստանի օդային տարածքում: Պակիստանի ԱԳՆ-ում օդային հարվածը պատճառաբանել էին ինքնապաշտպանության պատրաստականության ցուցադրմամբ:

Հավելենք`Սպիտակ տունը Հնդկաստանին և Պակիստանին կոչ է արել ապաէսկալացիայի հստակ քայլեր ձեռնարկել: