Այս տարի հակառակորդը հրադադարի ռեժիմը խախտել է ավելի քան 10 հազար անգամ (ինֆոգրաֆիկա)

Վերջին տարիներին ադրբեջանական կողմից հրադադարի ռեժիմի խախտման դեպքերը համարյա կրկնակի ավելացել են. Yerkir.am-ին հայտնեց ՀՀ ՊՆ մամուլի խոսնակ Արծրուն Հովհաննիսյանը:

Նա տեղեկացրեց, որ, ի տարբերություն ադրբեջանական կողմից արձակվող կրակոցների քանակի, հայկական կողմի պատասխանները թվային առումով զիջում են հակառակորդի` հրադադարի ռեժիմի խախտումների թվին:

«Մենք պատասխանում ենք միայն այն կրակոցներին, որոնք ադրբեջանցիների կողմից արձակվել են նպատակային, այսինքն` կոնկրետ մեր զինվորների կամ խաղաղ ազգաբնակչության ուղղությամբ: Նշեմ, որ մենք երբեք առաջինը չենք խախտել հրադադարի ռեժիմը, այլ միայն պատասխան գործողությունների ենք դիմել` հակառակորդի սադրանքները դադարեցնելու նպատակով»,- նշեց Արծրուն Հովհաննիսյանը:

Ստորեւ ներկայացնում ենք Ադրբեջանի հետ Հայաստանի ու ԼՂՀ զորքերի շփման գծի ամբողջ երկարությամբ դիտարկված կրակոցների քանակը` ըստ տարիների: