ՀԱՊԿ օպերատիվ ղեկավարությունում վակուում չկա. Պեսկով

ՀԱՊԿ օպերատիվ ղեկավարությունում նոր գլխավոր քարտուղարի ընտրության հարցում տարաձայնությունների հետ կապված վակուում չկա: Այդ մասին ասել է ՌԴ նախագահի մամուլի խոսնակ Դմիտրի Պեսկովը. հայտնում է РИА Новости-նն:

«Ո'չ Կրեմլը, ո'չ ՀԱՊԿ մյուս անդամները ֆրուստրացիա չեն զգում, և  ՀԱՊԿ ղեկավարությունում ոչ մի վակուում չկա, քանի որ գիտեք` այնտեղ աշխատում է գլխավոր քարտուղարի պարտականություններ կատարողը, որը կկատարի դրանք քանի դեռ գլխավոր քարտուղարի հետ կապված իրավիճակը չի պարզվել»,- ասել է նա լրագրողներին:

Հիշեցնենք, որ այսօր ռուսական Коммерсантъ-ը գրել էր. «ՀԱՊԿ-ը մոտակա տարում կարող է մնալ առանց լիարժեք գլխավոր քարտուղարի: Այդ պաշտոնում Բելառուսի թեկնածու Ստանիսլավ Զասի նշանակումը ձգձգվում է իր թեկնածուին հաստատել ակնկալող ՀՀ վարչապետ Նիկոլ Փաշինյանի չզիջող դիրքորոշման պատճառով»: