Թուրքական ղեկավարությունում մեկը ցանկացել է լիզել ամերիկացիների համապատասխան տեղը. Պուտին

Բացի զուտ ռազմական ինքնաթիռի խոցման փաստից, Ռուսաստանին հուզեց այն, որ Թուրքիան գնաց այդ քայլին այն բանից հետո, երբ ՌԴ-ն պատրաստ էր համագործակցել Անկարայի համար ամենազգացմունքային հարցերում, որոնք միջազգային իրավունքի համատեքստից դուրս են: Այդ մասին հայտարարել է ՌԴ նախագահ Վլադիմիր Պուտինը ավանդական ասուլիսի ժամանակ:

Նա մանրամասնել է, որ վերոհիշյալ համագործակությունը վերջին անգամ քննարկվել է Անթալիայում, և այդ ամենից հետո անհասկանալի պատճառներով Թուրքիան գնում է այդ քայլին:

«Թուրքական իշխանությունների քայլը թշնամական ակտ է: Կարող էին վերցնել հեռախոսը, զանգել, բացատրել, եթե դժբախտ պատահար լիներ: Բայց նրանք վազեցին Բրյուսել` հասեք, մեզ նեղացնում են: Սկսել են պաշտպանվել ՆԱՏՕ-ի միջոցով, իսկ նրանց դա նույնպես պետք չէ»,- նշել է Պուտինը:

ՌԴ նախագահը նաև կարծիք է հայտնել, որ, Սու-24-ը խոցելով, հնարավոր է՝ թուրքական ղեկավարությունում մեկը ցանկացել է լիզել ամերիկացիների համապատասխան տեղը: