Կրեմլը հույս ունի, որ Վենեսուելայում կանեն անհրաժեշտ ամեն բան լարվածության սրումը կանխելու համար. Պեսկով

Կրեմլը հույս ունի, որ Վենեսուելայի օրինական իշխանությունները կանեն անհրաժեշտ ամեն բան լարվածության սրումը կանխելու համար, որը պայմանավորված է ԱՄՆ-ից հումանիտար օգնության գալով: Այդ մասին ասել է ՌԴ նախագահի մամուլի խոսնակ Դմիտրի Պեսկովը. հայտնում է РИА Новости-ն:

Հիշեցնենք, որ Վենեսուելայի իշխանությունները հրաժարվում են ընդունել ԱՄՆ-ից եկող օգնությունը:

Հունվարի 23-ին Վենեսուելայի ընդդիմության առաջնորդ Խուան Գուաիդոն իրեն հայտարարել է  երկրի ժամանակավոր նախագահ: ԱՄՆ-ը և մի շարք այլ երկրներ ճանաչել են նրան և պահանջել նախագահ Նիկոլաս Մադուրոյից` ընդդիմության նկատմամբ ուժային գործողություններ թույլ չտալ: