Ընտրություններում 3 և ավելի տոկոս ձայն հավաքած կուսակցությունները ֆինանսավորում կստանան. կառավարություն

Կառավարության այսօրվա նիստում որոշում կայացվեց, ըստ որի` Հայաստանի Հանրապետության Ազգային ժողովի` 2018 թվականի ընտրություններում 3 և ավելի տոկոս ձայն հավաքած կուսակցություններին ու կուսակցությունների դաշինքներին աջակցություն կցուցաբերվի:

Կառավարության կողմից ֆինանսավորում կստանան «Իմ քայլը» դաշինքը, «Բարգավաճ Հայաստան» կուսակցությունը, «Լուսավոր Հայաստան» կուսակցությունը, Հայաստանի Հանրապետական կուսակցությունը և Հայ Յեղափոխական Դաշնակցությունը։

«Իմ քայլը» դաշինքը, համապատասխանաբար, կստանա 78 միլիոն դրամ, ԲՀԿ-ն՝ 9,1 միլիոն դրամ, «Լուսավոր Հայաստանը»՝ 7 միլիոն դրամ, ՀՀԿ-ն՝ 5,2 միլիոն դրամ, ՀՅԴ-ն՝ 4,3 միլիոն դրամ։