Ադրբեջանում դարձյալ պատրաստվում են հանրահավաք իրականացնել

Ժողովրդավարական ուժերի ազգային խորհուրդը որոշում է կայացրել փետրվարի 23-ին հանրահավաք անցկացնել: Այդ նպատակով Բաքվի քաղաքային իշխանություններին արդեն ծանուցում են ուղարկել: Այս մասին իր ֆեյսբուքյան էջում հայտնել է կառույցի ղեկավար Ջամիլ Հասանլըն:

Ըստ նրա` հանրահավաքի հիմնական պահանջները քաղբանտարկյալներին ազատ արձակելը, խնդրահարույց վարկերի`պետության կողմից վճարելը, մանկական վճարների տրամադրումն է և այլն:

Ազգային խորհրդի վերջին հանրահավաքը անցկացվել էր հունվարի 19-ին: Այդ ժամանակ ցույցերին մասնակցում էին նաև այլ ընդդիմադիր ուժեր, մասնավորապես` «Մուսավաթ» և «Հանրապետական այլընտրանք» (REAL) կուսակցությունները: Գլխավոր պահանջը բլոգեր Մեհման Հուսեյնովային առաջադրված նոր մեղադրանքների վերացումն էր և այլ քաղբանտարկյալների ազատ արձակումը:

Ըստ azadliq.org կայքի` Բաքվի քաղաքային իշխանությունները հունվարի 26-ին ցույց անցկացնելու թույլտվություն չէին տվել: Ցույցի կազմակերպիչները կանչվել էին ոստիկանություն` հասարակական անդորրը խախտելու համար բացատրություն տալու: Նրանք չէին ընդունել այդ մեղադրանքները:

Բացի այդ` իշխանությունները հայտարարել էին, որ երկրում չկան քաղբանտարկյալներ: