Ադրբեջանը բողոքի նոտա է հղել հայտնի MAPS.ME կազմակերպությանը

Ադրբեջանի Կապի, տրանսպորտի և բարձր տեխնոլոգիաների նախարարությունը դիմել է MAPS.ME կազմակերպությանը, որի քարտեզների բջջային հավելվածում Արցախը ներկայացված է որպես առանձին հանրապետություն:

Az.baku.ws կայքը գրում է, որ, քարտեզում Արցախը ներկայացնելով որպես առանձին հանրապետություն, հավելվածը խախտում է Ադրբեջանի տարածքային ամբողջականությունը: Կայքն այս հարցով դիմել է Կապի, տրանսպորտի և բարձր տեխնոլոգիաների նախարարություն, որն իր պատասխանում նշել է, որ «դեմ է Ադրբեջանի պատմական տարածքները որպես Լեռնային Ղարաբաղի Հանրապետություն ներկայացնելուն»,  և օֆլայն բջջային քարտեզում տեղ գտած սխալը վերացնելու համար նախարարության կողմից կազմակերպությանը դիմում են հղել:

Նշված խնդիրը դիվանագիտական հարթակում լուծելու համար կայքը դիմում է գրել նաև արտաքին գործերի նախարարությանը: