Ադրբեջանը բողոքի նոտա է հղել Ֆրանսիային

Ֆրանսիայի Ազգային ժողովի անդամ Ֆրանսուա Ռոշբլուանի՝ ԼՂՀ այցի, ինչպես նաև սեպտեմբերի 23-26-ը Փարիզում անցկացված զբոսաշրջության միջազգային ցուցահանդեսում Հայաստանի տաղավարում ներկայացված Լեռնային Ղարաբաղի պատճառով Ֆրանսիայում Ադրբեջանի դեսպանատունը երկրի ԱԳՆ-ին, Ազգային ժողովին և ցուցահանդեսի կազմակերպիչ ընկերությանը բողոքի նոտա և նամակներ է հղել: Այդ մասին հայտնում է ադրբեջանական АПА-ն:

Ադրբեջանի ԱԳՆ մամուլի ծառայության ղեկավարի պաշտոնակատար Հիքմեթ Հաջիևը АПА-ի հետ զրույցում հայտնել է, որ, Հայաստանի ու Ադրբեջանի նախագահների հանդիպմանն ընդառաջ, նման «անօրինական գործողությունները սադրանք են»։