Չինացիներն այսօր տոնում են Նոր տարին

Չինաստանի բնակիչներն այսօր տոնում են լուսնային տոմարով Նոր տարին (Չունցե, Գարնան տոն): 

Գարնան տոնը համընկել է փետրվարի լույս 5-ի գիշերվան, իսկ դեղին հողաբնակ խոզից չինացիներն ակնկալում են բարեկեցություն, հարստություն և բարգավաճում:

Չինաստանում համարվում է, որ Նոր տարվա առաջին հինգ օրերը նախատեսված են հարազատների ու մտերիմների հետ հանդիպումների համար: Ազգականները, ընկերները, համադասարանցիները ու ծառայակիցները շնորհավորում են միմյանց և տալիս նվերներ:

Տոնակատարությունները կավարտվեն Լապտերների տոնից (Յանսյաոցզե կամ Դենցզե) հետո՝ լուսնի տոմարով առաջին ամսի 15-րդ օրը: Չինաստանում տոնական արձակուրդները կտևեն մինչև փետրվարի 10-ը: