Բանակը ներգրավվել է հետընտրական միջոցառումներին արտակարգ դրության մասին հրամանագիրն ստորագրելուց հետո. Սեյրան Օհանյան

Այսօր լրագրողների հետ զրույցում նախկին պաշտպանության նախարար Սեյրան Օհանյանը անդրադարձավ իր հանդեպ մեղադրանքի վերաբերյալ հարցերին: Նրա խոսքով ամեն ինչի մասին հանրությունը տեղեկացված է, երկրի դատա-իրավական համակարգը և փաստաբանական խմբերը զբաղվում են այդ գործով:

 «Մենք էլ մեր կողմից հուշում ենք, թե ինչ անեն: Կլսեն՝ լավ կլինի, չեն լսի՝ կփորձենք շարունակել պայքարը»,- ասաց նա:

Ինչ վերաբերում է մարտի 1-ին բանակի ներգրավածության վերաբերյալ հարցին, Սեյրան Օհանյանը նշեց.

«2008թ-ի հետընտրական հատվածում բանակը ներգրավված է եղել միջոցառումներին արտակարգ դրության մասին հայտարարագիրը ընդունելուց հետո: Դրա մասին է խոսում այն իրավիճակը, որ որևիցե մի բախում, վնասվածք բանակի կողմից չի եղել:Իսկ դա անհրաժեշտություն է եղել, որովհետև բանակի խնդիրն է եղել ապահովել անվտանգությունը, իսկ անվտանգությունը մեր երկրի ռազմավարական հատուկ նշանակության օբյեկտների պահպանությունն էր»,- ասաց նա: