Դեմոկրատ սենատորն աջակցում է Հայոց ցեղասպանության ճանաչմանը

Կալիֆոռնիա նահանգից դեմոկրատ սենատոր Քամիլա Հարիսը, որը որոշել է 2020 թվականին առաջադրվել ԱՄՆ նախագահի պաշտոնում, բազմիցս հանդես է եկել Հայոց ցեղասպանությունը ճանաչելու կոչերով:

ԱՄՆ Հայ Դատի հանձնախմբի Ֆեյսբուքյան էջից տեղեկանում ենք, որ Հարիսը պաշտպանում էր Հայոց ցեղասպանությանը վերաբերող օրինագծերն ընդունելու իրավունքը, ինչպես նաեւ Ցեղասպանությունը վերապրած` հայկական ծագմամբ ամերիկացիների ապահովագրական վճարներ ստանալու իրավունքը:

Ամերիկայի Հայ Դատի հանձնախումբը նաև հայտնում է, որ Հարիսը Հայաստանի և Ամերիկայի հարաբերություններին աջակցման կամ անկախ Արցախի ազատության, կարգավիճակի և անվտանգության իրավունքի մասին զեկույցով դեռևս հանդես չի եկել: