Երբ աչքերս բացեցի, տեսա, որ հայ եմ` անբուժելի հայ. Հովհաննես Քաջազնունի

Այսօր Հայաստանի Առաջին Հանրապետության առաջին վարչապետ, խորհրդարանի վերջին նախագահ, դաշնակցական Հովհաննես Քաջազնունու մահվան տարելիցն է:

Հայաստանի Հանրապետության հիմնադիրներից Հովհաննես Քաջազնունին մահացել է 1938 թվականի այս օրը Երևանի բանտային հիվանդանոցում՝ գրիպից ու թոքաբորբից:

Հովհաննես Քաջազնունու երեք որդիները 1914-ին, երբ սկսվել էր առաջին աշխարհամարտը, պատանի հասկում կամավոր մեկնել են ռազմաճակատ: Որդիներից Աշոտ Քաջազնունին զոհվել է Ղարաքիլիսայի կռիվներում, Արամ Քաջազնունին երկու անգամ վիրավորվելուց հետո, զոհվել է 1920 թվականի ամռանը Զանգիբասարում (այժմ Մասիս)՝ հայերի և թաթարների միջև տեղի ունեցած ընդհարումների ընթացքում: Ռուբեն Քաջազնունին Կարսում գերի է ընկնել է և 1921թ. ազատվել գերիների փոխանակման ժամանակ: