Անբուժելի վերելակացավ

Երեկ երեկոյան` ժամը 20-ի սահմաններում, Երևանի Եզնիկ Կողբացի փողոցի 3ա շենքի վերելակի հորն է ընկել 8-ամյա Էդգար Հարությունյանը։

Ֆոտոլրագրող Գագիկ Շամշյանի տեղեկացմամբ` երեխան, 10-րդ հարկում կանչելով վերելակը, չի նկատել, որ խցիկը չկա, և հորն է ընկել՝ մինչև առաջին հարկ: Նրան օգնության են հասել հայրն ու հարևանները և տեղափոխել են Ծերեթելիի մանկական հիվանդանոցի վերակենդանացման բաժանմունք։

Yerkir.am-ին-ին հիվանդանոցից հայտնեցին, որ երեխան ստացել է բազմաթիվ վնասվածքներ՝ գլխի փափուկ հյուսվածքների սալջարդ, պատռված վերք, կրծքի և որովայնի սալջարդ և ձախ սրունքի ոսկորների կոտրվածք։

Շոկից դուրս գալուց հետո Էդգար Հարությունյանը ենթարկվել է վիրահատության։ Բժիշկները նրա վիճակը գնահատում եմ ծանր, բայց կայուն: