Ռուսաստանցի փորձագետը բացատրել է Մեթիսի հրաժարականի պատճառը

Պենտագոնի ղեկավար Ջեյմս Մեթիսի հրաժարականը կապված է նրա և ԱՄՆ նախագահի միջև կուտակված հակասությունների հետ: Նման կարծիք РИА Новости-ի հետ զրույցում հայտնել  է Մոսկվայի պետական համալսարանի համաշխարհային քաղաքականության ֆակուլտետի դոցենտ Ալեքսեյ Ֆենենկոն:

Նրա խոսքով` Սիրիան միակ պատճառը չէ, դա վերջին կաթիլը դարձավ, քանի որ Թրամփն ավելի զգուշավոր քաղաքականություն է վարում, քան կցանկանար Մեթիսը:

Ֆենենկոն մանրամասնել է, որ Թրամփն ուժ չի կիրառում ԿԺԴՀ-ի դեմ, չի հարվածում Սիրիայում ռուսական օբյեկտներին, մահաբեր զենք չի վաճառում Ուկրաինային, հարվածներ չի հասցնում Իրանին, իսկ այդ ամենը քննարկվել է  Պենտագոնում: