Դատարանը քննում է Արմեն Գևորգյանին կալանավորելու հարցը

Այսօր Երևանի ընդհանուր իրավասության դատարանի Նոր Նորքի նստավայրում  քննվում էր ՀՀ նախկին փոխվարչապետ Արմեն Գևորգյանին կալանավորելու հարցը, սակայն դատը հետաձգվել է, կշարունակվի վաղը:

Արմեն Գևորգյանը մեղադրվում է ՀՀ երկրորդ նախագահ Ռոբերտ Քոչարյանին օժանդակելու, արտակարգ դրության հրամանագիրը պատրաստելու և ՍԴ դատավորին զանգահարելու մեջ։ 

Արդարադատության իրականացմանը խոչընդոտելու դեպքի առթիվ օգոստոսի 3-ին ՀՀ հատուկ քննչական ծառայությունում ՀՀ քրեական օրենսգրքի 332-րդ հոդվածի 3-րդ մասի հատկանիշներով հարուցվել է քրեական գործ, որը միացվել է 2008 թվականի մարտի 1-ից 2-ն ընկած ժամանակահատվածում Երևան քաղաքում տեղի ունեցած իրադարձությունների վերաբերյալ ՀՀ հատուկ քննչական ծառայությունում քննվող քրեական գործին: