Առանցքային քննություն` «թավշյա հեղափոխության» հետևում կանգնած անձի համար. BBC-ի անդրադարձը

Բրիտանական հեղինակավոր BBC կայքն անդրադարձել է ՀՀ ԱԺ արտահերթ ընտրություններին: Ըստ կայքի` ընտրությունները առանցքային քննություն են լինելու «թավշյա հեղափոխության» հետևում կանգնած անձի համար:

BBC-ի հաղորդմամբ`այդ ընտրություններին, որոնք նախատեսված չեն եղել մինչև 2020-ը, մասնակցում է 11 ուժ, սակայն, կայքի կանխատեսմամբ, ակնկալվում է, որ Նիկոլ Փաշինյանի «Իմ քայլը» դաշինքը ամենաշատ ձայնը կստանա:  

Կայքը նաև անդրադարձել է ՀՀ երկրորդ նախագահ Ռոբերտ Քոչարյանի կալանավորման որոշմանը:

Եզրափակելով  հոդվածը` BBC-ն ընդգծել է, որ Հայաստանը նախկին խորհրդային երկիր է` 3 միլիոն բնակչությամբ, և որտեղ տեղակայված է ռուսական ռազմաբազա: «Հայաստանը համարվում է Մոսկվայի կարևորագույն դաշնակիցը, և Ռուսաստանից է կախված նրա անվտանգությունը»,- գրել է կայքը: