Մակրոնն ուղերձով կդիմի ժողովրդին

Ֆրանսիայի կառավարության մամուլի ծառայությունը հայտնել է, որ նախագահ Էմանուել Մակրոնը մոտ օրերս ուղերձով կդիմի հանրությանը. հայտնում է newsru.co.il-ը:

Ուղերձի թեման հայտնի չէ, սակայն ֆրանսիական ԶԼՄ-ները ենթադրում են, որ Մակրոնը կհայտարարի հարկերն էլ ավելի իջեցնելու մասին:

Փարիզում շարունակվում են «դեղին բաճկոններ»-ի բողոքի ակցիաները: Երեկ զանգվածային ակցիա է եղել, որն ուղեկցվել է անկարգություններով: Ձերբակալված ցուցարարների թիվը հասել է 1700-ի:

Մարդիկ ի սկզբանե բողոքում էին բենզինի գների սպասվող բարձրացման դեմ, այնուհետև, երբ իշխանությունները զիջումների գնացին, սկսեցին բողոքել  կառավարության վարած քաղաքականության դեմ: