Պուտինը և Լուկաշենկոն կքննարկեն վիճելի հարցերը

ՌԴ և Բելառուսի նախագահներ Վլադիմիր Պուտինը և Ալեքսանդր Լուկաշենկոն հանդիպում կունենան դեկտեմբերին: Այդ մասին լրագրողներին հայտնել է ՌԴ նախագահի մամուլի խոսնակ Դմիտրի Պեսկովը. հայտնում է РИА Новости-ն:

«Եվս մեկ հանդիպման ժամանակ կեզրափակեն վիճելի հարցերի քննարկումը»,- ասել է նա:

Հիշեցնենք, որ Ռուսաստանի և Բելառուսի նախագահներ Վլադիմիր Պուտինը և Ալեքսանդր Լուկաշենկոն ԵԱՏՄ բարձրագույն խորհրդի նիստի ժամանակ թեթև վիճել են գազի գնագոյացումը քննարկելիս:

Լուկաշենկոն ուշադրություն է հրավիրել բելառուս սպառողների համար գործող պայմաններին` վառելիքը արժե 130 դոլար` 1000 խորանարդի համար, իսկ ռուս սպառողների համար` 70 դոլար: Պուտինն, ի պատասխան, ասել է, որ եթե Բելառուսի համար գործեր շուկայական գին, ապա գազը կարժենար 1000 խորանարդի համար 200 դոլար, ոչ թե` 130: Այնուհետև նա առաջարկել է քննարկել այդ հարցն ավելի ուշ` փակ ռեժիմով: