Կան մեղավորների շրջանականեր, ապացույցներ, սակայն դրանք չի լինում փաստագրել. վանեցյանը` հայտնի գաղտնալսման մասին

Այս պահին հստակ անուններ տալ և մեղավորների շրջանակը բացել չեմ կարող, առանց ասելու էլ բոլորին պարզ է` շրջանակաը որտեղից կարող է լինել. լրագրողների հետ զրույցի ժամանակ հայտարարեց ԱԱԾ տնօրեն Արթուր Վանեցյանն` անդրադառնալով իր և ՀՔԾ պետի գաղտնալսված ձայնագրության մեղավորների շրջանակին:

Ճշտող հարցին` Հայաստանից են գաղտնալսել, Վանեցյանը տվեց դրական պատասխան:

Վանեցյանի խոսքով` ԱԱԾ-ն իրականացնում է օպերատիվ աշխատանք, որի ժամանակ ԱԱԾ-ի հետ գաղտնի հիմունքներով համագործակցում են տարբեր անձինք, որոնց աշխատանքը չի երևում, բայց որոնց աշխատանքը շատ կարևոր է: «Այդ մարդկանցից օպերատիվ եղանակով ստացվում է տեղեկատվություն, բայց դրանք չի լինում փաստաթղթավորել, փաստագրել որ հնարավոր լինի տրամադրել քննչական մարմնին, որովհետև մարդիկ, ովքեր արել են այդ աշխատանքը, իմացել են որ ԱԱԾ-ն ջանք ու եռանդ չի խնայելու` բացահգայտելու դա: Իրենք շատ լավ են պատրաստված են եղել և հետքեր չեն թողել, որով կարող ենք մեղադրանքներ ներկայացնել մարդկանց »,- ասաց Վանեցյանը:

Միևնույն ժամանակ նա հավաստիացրեց, որ ժամանակն ամեն ինչ տեղը կդնի և ամեն ինչ կբացահայտեն: Ըստ նրա` կա մոտավոր շրջանակ, թե ովքեր են պատվիրողները, ովքեր են հեղնիկաները, բայց չկան փաստական ապացույցներ: