Թրամփը տրամադրված է աշխատել, սակայն հարկավոր է գտնել հատման կետեր. Պուտին

ԱՄՆ նախագահ Դոնալդ  Թրամփը տրամադրված է աշխատել, սակայն հարկավոր է գտնել հատման կետեր: Այդ մասին ասել է ՌԴ նախագահ Վլադիմիր Պուտինը «Ռուսաստանը կանչում է» ներդրումային ֆորումի ժամանակ` խոսելով ռուս-ամերիկյան հարաբերությունների մասին. հայտնում է РИА Новости-ն:

Նա նաև հույսն է հայտնել, որ կկարողանա խոսել Թրամփի հետ Արգենտինայում` «Մեծ քսանյակ»-ի գագաթնաժողովի շրջանակում:

Նշենք, որ ավելի վաղ Թրամփը չէր բացառել, որ հանդիպում չի լինի` կապված Կերչի նեղուցում տեղի ունեցած միջադեպի հետ:

Ռուս-ուկրաինական հարաբերությունները սրվել են այն բանից հետո, երբ ուկրաինական նավերը խախտել են ՌԴ-ի սահմանը և ձերբակալվել: