Հալեպի 15 բնակիչ կրկին հոսպիտալացվել է հարձակումից հետո

Հալեպի 15 բնակիչ կրկին հոսպիտալացվել է գրոհայինների քիմիական հարձակումից հետո. հայտնում  է РИА Новости-ն: Նրանց դուրս էին գրել երեկ, սակայն նրանք հիվանդանոց են տեղափոխվել նույն ախտանշաններով: Տուժածների վիճակը ծանր է և միջին ծանր:

ՌԴ ՊՆ-ն ավելի վաղ հայտնել էր, որ գրոհայինները թունավոր նյութերով արկերով գնդակոծել են Հալեպը, 100 մարդ տուժել է:

ՌԴ ՊՆ-ում ընդգծել են, որ ավելի վաղ ռուսական կողմը ուշադրություն է դարձրել այն հանգամանքին, որ «Սպիտակ սաղավարտներ» կազմակերպությունը փորձում է Իդլիբի շուրջ ապառազմականացված գոտում սադրանքի դիմել, որպեսզի այնուհետև մեղադրի կառավարական զորքերին բնակչության դեմ քիմիական զենք կիրառելու մեջ: