Այս պահին Երևանում sett-weather
Փոխարժեքներ 25 11 2024
USD ⚊ $ 389.76
EUR ⚊ € 406.4
RUB ⚊ ₽ 3.79
GBP ⚊ £ 488.37
GEL ⚊ ₾ 142.31
կարևոր
0 դիտում, 6 տարի առաջ - 2018-11-22 16:38
Մշակույթ

Մակունցի հայտարարած` հեղափոխությանը նվիրված ցուցադրությունը, պարզվում է, արդեն տեղի է ունեցել

Մակունցի հայտարարած` հեղափոխությանը նվիրված ցուցադրությունը, պարզվում է, արդեն տեղի է ունեցել
Այսօր ՀՀ մշակույթի նախարարի պաշտոնակատար Լիլիթ Մակունցը հանդես եկավ ամփոփիչ ասուլիսով: 

Yerkir.am-ը հետաքրքրվեց, թե ի՞նչ ընթացք է ստացել հեղափոխությանը նվիրված ցուցասրահ ունենալու գաղափարը, և արդյո՞ք հաշվի են առնվել հանրության քննադատությունները, որ դեռ շուտ է նման ցուցասրահ կամ ցուցադրություն ունենալ: Ի պատասխան Մակունցը նշեց, որ հեղափոխությանը նվիրված ցուցադրությունն արդեն իսկ կազմակերպվել է: «Այդ ցուցադրությունը կազմակերպվել էր սեպտեմբեր ամսին Հայաստանի պատմության թանգարանում: Ցուցադրությունը ժամանակավոր է եղել, տևել է մեկ ամիս: Ի դեպ, սա առաջին ցուցադրությունը չէ, և մեր հիմնական շեշտադրումը եղել է վիդեոարտի վրա»,- ասաց նա:
 
Հիշեցնենք, որ դեռ հուլիսի 10-ին Մակունցը ֆեյսբուքյան իր էջում գրել էր, որ Հայաստանի պատմության թանգարանում 5-օրյա ժամկետում կհատկացվի ցուցասրահ՝ նվիրված թավշյա հեղափոխությանը: Հայտարարությունը բավականին քննադատությունների արժանացավ, քանի որ շատերը կարծում էին, որ դեռ վաղ է նման ցուցասրահ ունենալու համար: Ավելի ուշ Մակունցը պարզաբանել էր, որ խոսքը ժամանակավոր ցուցադրության մասին է:
 
Իսկ օգոստոսի 16-ին Yerkir.am-ի հետ զրույցում Մակունցը հայտնել էր, որ սրահը, որը տրամադրվելու էր Հայաստանի պատմության թանգարանի կողմից, բավականին փոքր և անհարմար էր, իսկ այլ սենյակ առանձնացնել այս պահին չէին կարող: Մեր հարցին, թե արդյո՞ք այս տարի ցուցասրահը կբացվի, նախարարը պատասխանել էր, որ իրենք կփորձեն ամեն ինչ անել, որ այս տարի լինի: «Սակայն չենք կարող չեղարկել կամ հետաձգել այն ցուցադրությունները, որոնք այս տարի նախատեսված են կամ ընթացքի մեջ են: Հնարավոր է նաև, որ ցուցադրության կազմակերպման վայրի հետ կապված նույնպես մրցույթ հայտարարվի»,- ասել էր նախարարը:
 
Իսկ թե ինչպես են բոլոր խնդիրներն արագ  լուծվել, որ մեկ ամիս անց` սեպտեմբերին, ցուցադրությունը կազմակերպվել է, հայտնի չէ: 
բաժանորդագրվել
Նմանատիպ նյութեր

Լրահոս

  • բոլոր լուրերը

    • Հետադարձ կապ

    • Սոց. ցանցեր

    © 2024 Yerkir.am Բոլոր իրավունքները պաշտպանված են։

    Մեր կայքում տեղ գտած հրապարակումների հեղինակային իրավունքը պատկանում է բացառապես yerkir.am խմբագրությանը։ Այլ ԶԼՄ-ներում սույն կայքի հրապարակումներից որևէ մեկը ամբողջական վերահրապարակելու համար անհրաժեշտ է yerkir.am-ի խմբագրության համաձայնությունը: Լրատվամիջոցները կարող են yerkir.am-ից մեջբերումներ վերահրապարակել միմիայն հատվածաբար` պարտադիր օգտագործելով հիպերհղում:
    Գաղտնիության քաղաքականություն Կայքի հին տարբերակը