Յուրի Վարդանյանի աճյունը Հայաստան կտեղափոխվի նոյեմբերի 11-ին

ԽՍՀՄ սպորտի վաստակավոր վարպետ,  աշխարհահռչակ ծանրորդ, օլիմպիական խաղերի, աշխարհի և Եվրոպայի չեմպիոն Յուրի Վարդանյանի աճյունն ԱՄՆ-ից հայրենիք կտեղափոխվի նոյեմբերի 11-ին: Այս մասին մասին «Արմենպրես»-ին տեղեկացրել են ՀՀ սպորտի և երիտասարդության հարցերի նախարարությունից:

Յուրի Վարդանյանի հոգեհանգստի արարողությունը կկայանա Գյումրու Սուրբ Հակոբ եկեղեցում նոյեմբերի 12-ին ՝ ժամը 13:00-ից 19:00-ը:

Լեգենդար մարզիկի դին Երևանում կլինի նոյեմբերի 13-ին: Ժամը 10:00-ից 13:00-ը Կարեն Դեմիրճյանի անվան մարզահամերգային համալիրում քաղաքացիները հնարավորություն կունենան վերջին հրաժեշտը տալու լեգենդար ծանրորդին:

Հուղարկավորությունը տեղի կունենա նոյեմբերի 13-ին՝ ժամը 16:00-ին, Կոմիտասի անվան պանթեոնում:

Հիշեցնենք` Յուրի Վարդանյանը կյանքից հեռացել է նոյեմբերի 2-ին 62 տարեկանում: