ԱՄՆ Կոնգրեսի` Հայ Դատի աջակցությունը վայելող թեկնածուների 92 տոկոսը հաղթել է

Նոյեմբերի 6-ին ԱՄՆ-ում կայացած կոնգրեսական ընտրությունների նախնական արդյունքների համաձայն` ԱՄՆ Հայ դատի հանձնախմբի զորակցությունը վայելող հայամետ թեկնածուների մոտ 92 տոկոսը` ավելի քան 165 կոնգրեսական, հաղթանակ են արձանագրել:

Ըստ Asbarez-ի` Ներկայացուցիչների պալատի անդամ են ընտրվել կամ վերընտրվել երեք հայ օրենսդիրներ:

«Նոյեմբերի 6-ը լավ օր էր հայամետ կոնգրեսական թեկնածուների համար: Հայ Դատը ուրախ է, որ հայ ընտրազանգվածը, քվեարկության գնալով, նպաստել է նշյալ թեկնածուների հաղթանակին`, միևնույն ժամանակ ապահովելով հայ քվեարկողների մասնակցության նոր ցուցանիշ` հզորացնելով հայության քաղաքական ձայնը»,- ասել է ԱՄՆ Հայ Դատի հանձնախմբի գործադիր տնօրեն Արամ Համբարյանը: