Թրամփը կարթնանա նոր Վաշինգտոնում. ABC News

ԱՄՆ նախագահ Դոնալդ Թրամփը կարթնանա նոր Վաշինգտոնում, որտեղ նրան կսպասի Ներկայացուցիչների` ոչ բարեկամական պալատը: Այդ մասին, ըստ Газета.ру-ի, գրում է ABC News-ի կայքը:

Հեռուստաալիքը հիշեցնում է, որ դեմոկրատները եկել են իշխանության Թրամփի վարչակազմին  լրջորեն ստուգելու խոստումներով:

«Դեմոկրատները կարող են նախաձեռնել Թրամփի նկատմամբ հետաքննություն, ստուգել նրա ընտանեկան բիզնեսը, ֆինանսական հայտարարագրերը և այլն: Ներկայացուցիչների պալատում դեմոկրատների գերազանցությունը կարող է նաև  նրանց հնարավորություն տալ ծանոթանալու Թրամփի հարկային տեղեկատվությանը»,- ասվում է նյութում:

Ամերիկյան ԶԼՄ-ները կանխատեսում են, որ Հանրապետական կուսակցությունը հաղթանակ կտանի Սենատում` ստանալով 52  տեղ: Նման տվյալներ են ներկայացնում NBC-ին և ABC-ին: Իսկ դեմոկրատները հաղթանակ կտանեն Ներկայացուցիչների պալատում` ստանալով 238 տեղ, մինչդեռ հանրապետականները կստանան 197 տեղ: Ներկայացուցիչները պալատը վերահսկելու համար անհրաժեշտ է հավաքել 218 ձայն:

Կանխատեսումները հիմնված են քվեարկության նախնական արդյունքների վրա, պաշտոնական տվյալներ դեռ չկան: