«Հարսանիք` թիկունքում» ներկայացումը կհյուրընկալվի Լիբանանում

Տեղեկացրել էինք, որ Գյումրու Վարդան Աճեմյանի անվան պետական դրամատիկական թատրոնի տնօրեն Տիգրան Վիրաբյանի փոխարեն թատրոնի տնօրենի ԺՊ է նշանակվել թատրոնի գլխավոր ռեժիսոր Լյուդվիգ Հարությունյանը:

Yerkir.am-ին թատրոնից հայտնեցին, որ առաջիկայում սպասվում է կարևոր իրադարձություն՝ Անահիտ Աղասարյանի «Ապրիլ և ապրել» պիեսի հիման վրա բեմադրված «Հարսանիք` թիկունքում» ներկայացմամբ թատրոնը կհյուրընկալվի Լիբանանում: Ներկայացումը Լիբանանում կցուցադրվի երեք անգամ՝ նոյեմբերի 8-ին, 11-ին և 12-ին:

Թատրոնից տեղեկացրեցին նաև, որ, բացի այդ ներկայացումից,  կցուցադրվեն  «Սիրո CASTING» և «Երկնագույն շան աչքերը» ներկայացումները:

Նշենք, որ «Հարսանիք` թիկունքում» ներկայացման ռեժիսորը Լյուդվիգ Հարությունյանն է, այն նվիրված է արցախյան քառօրյա պատերազմի հերոսներին: Ներկայացման բեմադրական աշխատանքներն ընթացել են շուրջ մեկ տարի, իսկ պրեմիերան տեղի է ունեցել մայիսի 30-ին և 31-ին: