Սոչիում վայրէջքից հետո օդանավը այրվել է. կա զոհ և վիրավորներ

Սոչիում վայրէջքից հետո Boeing 737 օդանավի հրդեհվելու հետևանքով տուժածների թիվը հասել է 18-ի, նրանց թվում՝ 3 երեխա. հայտնում է РИА Новости-ն ՝ ՌԴ առողջապահության նախարարությանը հղումով։

 Գերատեչությունում նշել են, որ ուղևորների թվում զոհեր չկան, սակայն, ինչպես հայտնել է Սոչիի օդանավակայանի մամուլի ծառայությունը, մահացել է Սոչիի միջազգային օդանավակայանի աշխատակիցներից մեկը՝ հրդեհի հետևանքների լիկվիդացման ժամանակ:

Utair ավիաընկերության Boeing 737 ուղևորատար ինքնաթիռը Սոչիում վայրէջքի ժամանակ դուրս է եկել թռիչքուղուց և այրվել։ Օդանավում գտնվել է 164 ուղևոր, որոնց արագ տարհանել են: Կատարվածի փաստով հետաքննություն է սկսել: