ՀՅԴ ՀԵՄ-ը խիստ դատապարտում է «Հասմիկ» մանկական ճամբարում վերջերս տեղի ունեցածը

ՀՅԴ Հայաստանի Երիտասարդական Միությունը խիստ դատապարտում է «Հասմիկ» մանկական ճամբարում վերջերս տեղի ունեցածը: Անընդունելի ենք համարում երեխաների արժանապատվությունը և համբավը ոտնահարող, ազգային արժեքները ծաղրող, ծրագրավորված և բացահայտ այլասեռական բնույթի քարոզչությունը:

Ուստի կոչ ենք անում մտահոգ քաղաքացիներին, զերծ մնալ երեխաների ինքնությունը բացահայտող նյութերի հրապարակումից , պատկան մարմիններին՝ անհապաղ և համակողմանի իրականացնել քննություն և տալ երևույթի իրավական գնահատականը, անհրաժեշտության դեպքում երեխաներին ցուցաբերել հոգեբանական աջակցություն։

Այդուհանդերձ, հորդորում ենք մեր հայրենակիցներին չխուսափել երեխաներին ուղարկել ամառային այն ճամբարները, որտեղ առողջ մթնոլորտում իրականացվում են արդյունավետ կրթադաստիարակչական և ժամանցային ծրագրեր: Որպեսզի վստահ լինեք, որ ձեր երեխան գտնվում է առողջ մթնոլորտում՝ ծանոթացեք պատասխանատուական կազմի և ծրագրի հետ, և մշտապես հետաքրքրվեք ծրագրի ընթացքի մասին։