ՀՔԾ պետը հաստատեց, որ Սորոսի հիմնադրամի ԲՀՀՀ տնօրենների խորհրդի նախագահն իր եղբայրն է

Այո, Խաչատրյան Դավիթն իմ հարազատ եղբայրն է. լրագրողների հետ զրույցում հայտարարեց ՀՔԾ պետ Սասուն Խաչատրյանը՝ անդրադառնալով լրագրողների այն դիտարկմանը, որ մամուլում հրապարակում եղավ, որ ՀՔԾ պետը Սորոսի հիմնադրամի «Բաց հասարակության հիմնադրամներ-Հայաստան» տնօրենների խորհրդի նախագահ Դավիթ Խաչատրյանի հարազատ եղբայրն է:

Խաչատրյանը թեև հաստատեց, որ Դավիթ Խաչատրյանն իր եղբայրն, բայց «հիմարություն» որակեց այն պնդումները, թե իր գործունեության վրա դա ազդում է:

Ըստ մամուլի հրապարակման` այս կապը հաստատում է այն թեզը,  որ Սորոսի հիմնադրամը մեծ դերակատարում է ունեցել հայաստանյան վերջին իրադարձությունների ժամանակ։