Լապշինը ելույթ է ունեցել ՄԱԿ-ում` անդրադառնալով Բաքվում տիրող իրավիճակին

Հայտնի  բլոգեր Ալեքսանդր Լապշինը LiveJournal-ի իր էջում պատմել է, որ հունիսի 19-ին հանդես է եկել ՄԱԿ-ի մարդու իրավունքների հարցերով խորհրդի նստաշրջանում:

Բլոգերը հայտնել է, որ իրեն հրավիրել են  ԵԽԽՎ-ում, ԵԱՀԿ-ում և ՄԱԿ-ում անցկացվող տարբեր միջոցառումների, սակայն  իր անունը երբեք չի նշվում բանախոսների ցուցակում ադրբեջանցիների սադրանքներից խուսափելու պատճառով:

Ըստ Լապշինի` ինքը պատմել է  2017 թվականի սեպտեմբերին Բաքվի բանտից իր ազատ արձակման գործում սոցիալական ցանցերի դերի և վերջին շրջանում բռնապետական ռեժիմների` մամուլի նկատմամբ ճնշումների մասին: Նա  15 րոպեանոց ելույթ է ունեցել և պատմել ադրբեջանցի լրագրող Աֆղան Մուխթարլըի և Բաքվի բանտում սպանված բլոգեր Մեհման Գալանդարովի մասին: Լապշինն ասել է, որ իր ելույթն աշխուժացրել է լսարանին: