Փոխարժեքներ
22 10 2024
|
||
---|---|---|
USD | ⚊ | $ 387.16 |
EUR | ⚊ | € 419.99 |
RUB | ⚊ | ₽ 4.03 |
GBP | ⚊ | £ 504.2 |
GEL | ⚊ | ₾ 142.18 |
Կառավարության նիստից հետո տարածքային կառավարման և զարգացման նախարար Սուրեն Պապիկյանը լրագրողների հետ զրույցում անդրադարձավ նորանշանակ մարզպետերի կողմից կադրային ջարդ սկսելու վերաբերյալ լուրերին: Նախարարի խոսքով` չի կարող այդպիսի բան լինել, պարզապես հայեցողական պաշտոնների դեպքում մարզպետը կարող է իր հայեցողությամբ տնօրինել նշանակումների հարցը: Նրա համոզմամբ` Հայաստանում չի կարող լինել մի պաշտոնյա, ով կարող է իրեն թույլ տալ օրենքով իրեն չվերապահված իրավասություններ:
Անդրադառնալով Հրազդանի քաղաքապետարանում սպասվող ստուգումներին` Սուրեն Պապիկյանն ասաց, որ Հրազդանի քաղաքապետարանում ստուգումներ սկսելու համար Կոտայքի մարզպետի միջնորդությունը դեռ չեն ստացել, հենց ստանան, անմիջապես կսկսեն, և միջնորդությունը չի կարող անհիմն լինել:
Վերջում նախարարը տեղեկացրեց, որ մարզպետերի կողմից իրականացվող կադրային ջարդի վերաբերյալ` լրագրողների բարձրաձայնած մտահոգություններով ինքն անպայման կզբաղվի: