Արմեն Հովհաննիսյանին կհուղարկավորեն Եռաբլուրում

Հունվարի 20-ին ղարաբաղա-ադրբեջանական շփման գծում ադրբեջանական զինուժի դիվերսիոն հարձակման հետևանքով զոհված կրտսեր սերժանտ Արմեն Հովհաննիսյանին կհուղարկավորեն Երևանի Եռաբլուր պանթեոնում. տեղեկանում ենք ՀՀ ՊՆ-ից:

Հիշեցնենք, որ Հովհաննիսյանը հարձակման գիշերը գործել է արիաբար: Ադրբեջանցիները հարձակվել են մեծ խմբով, սակայն Արմենը նկատել է դիվերսանտներին, զգուշացրել մեր զինվորներին եւ սկսել դիմադրությունը: Նույնիսկ ծանր վիրավոր վիճակում նա չի ընկրկել եւ շարունակել է դիմադրությունը: Դա հայկական ուժերին հնարավորություն է տվել արագ կազմակերպվելու եւ հետ շպրտելու թշնամուն` պատճառելով մեծ կորուստներ: