Բոլոր սյունեցիներին կոչ եմ անում այս պահից չունենալ վախ. Սյունիքի նորանշանակ մարզպետ

Կառավարության նիստից հետո Սյունիքի նորանշանակ մարզպետ Կարեն Համբարձումյանը անդրադարձավ մարզում տարիներ շարունակ արմատացած վախի մթնոլորտին:

«Եթե կա վախի մթնոլորտ, ես բոլոր սյունեցիներին կոչ եմ անում այս պահից չունենալ վախ, այսօրվանից ես եմ պատասխանատու բոլոր սյունեցիների համար: Ցանկացած պահի հասանելի եմ լինելու սյունեցիների համար: Եթե լինեն մարդիկ, որոնք վնասել են սյունեցուն, հավաստիացնում եմ, որ օրենքի ողջ խստությամբ պատասխանատության կենթարկվեն: Ես միանշանակ կլինեմ օրենքի կողքին կանգնած»,- ասաց նորանշանակ մարզպետը:

Հարցին, թե ի՞նչ ազդեցություն կունենա մարզի վրա նախկին մարզպետ Սուրիկ Խաչատրյանը, Կարեն Համբարձումյանը պատասխանեց. «Ոչ ոք չի կարող ինձ վրա ազդեցություն ունենալ»: