Ալեն Սիմոնյանը հետ է վերցրել պատգամավորի մանդատից հրաժարվելու մասին դիմումը

Ազգային ժողովի նախագահ Արա Բաբլոյանը հայտարարություն է տարածել, ըստ որի` Ալեն Սիմոնյանը հետ է վերցրել պատգամավորի մանդատից հրաժարվելու իր դիմումը:

««Ազգային ժողովի կանոնակարգ» Հայաստանի Հանրապետության սահմանադրական օրենքի 155-րդ հոդվածի 2-րդ մասի 1-ին կետի համաձայն` հայտարարում եմ, որ Հայաստանի Հանրապետության Ազգային ժողովի պատգամավոր Ալեն Սիմոնյանը մայիսի 25-ին գրավոր դիմումով հետ է վերցրել հրաժարականի մասին իր դիմումը»,- ասված է ԱԺ նախագահի հայտարարության մեջ: 

Հիշեցնենք, որ Ալեն Սիմոնյանը դիմում էր ներկայացրել պատգամավորի մանդատից հրաժարվելու մասին, քանի որ ցանկանում էր պահպանել Երևանի ավագանու անդամի` իր մանդատը: