Տարո´ն, հեռացի´ր. բողոքի ակցիայի մասնակիցները փակեցին փողոցը

Քաղաքապետի աշխատավարձը՝ 575 000 դրամ, անհամեմատելի է նրա հայտարարագրած ունեցվածքի հետ. նա ունի տուն և ամառանոց, հասարակական ու արտադրական նշանակության շինություններ, բնակարաններ, ավտոտնակներ, արժեթղթեր:  Այս մասին հայտարարեց քաղաքապետարանի մոտ բողոքի ակցիա իրականացնողներից մեկը:

Նշենք, որ Երևանի քաղաքապետարանի առջև են հավաքվել «Մերժում ենք Տարոնին» նախաձեռնության անդամները, քաղաքացիներ՝  պահանջելու Երևանի քաղաքապետ Տարոն Մարգարյանի հրաժարականը և ավագանու արձակումը։

Բողոքի ակցիայի մասնակիցներից մեկը հայտարարեց նաև, որ Մարգարյանի գործազուրկ կինը 2017-ին հայտարարագրել է 50 մլն դրամ:

Բողոքի ակցիաների մասնակիցները հերթով ներկայացնում ենք իրենց բողոքները՝ տրանսպորտի, քաղաքի մատչելիության, կանաչ տարածությունների և այլ խնդիրների հետ կապված: Նրանք փակեցին քաղաքապետարանի դիմացի փողոցը՝ վարորդներին կոչ անելով միանալ իրենց: