Ես հուսով եմ, որ ինչ-որ բան կփոխվի դեպի լավը. Ռուբեն Վարդանյան

Մենք պետք է առաջ գնանք, լավատես լինենք, բայց նաև պետք է հասկանանք, որ այս օրը չենք կարող փոխարինել ինչ-որ այլ հարցերով ու խնդիրներով. Ծիծեռնակաբերդում լրագրողներին ասաց գործարար, բարերար Ռուբեն Վարդանյանը:

Անդրադառնալով Սերժ Սարգսյանի հրաժարականին` նա ասաց, որ դա մեծ հնարավորություն է բոլորիս համար: «Ես հուսով եմ, որ ինչ-որ բան կփոխվի դեպի լավը և ոչ միայն Հայաստանում, այլը Հայաստանից դուրս` Սփյուռքում էլ: Հայ ազգն ունի շատ պարզ և լուսավոր ապագա, եթե մենք հասկանանք, որ միասին պետք է անենք շատ ծանր ու երկար աշխատանք, իսկ դա մեզնից պահանջելու է ուժ: Միմյանց հարգելով` պետք է գնանք առաջ»,- ասաց գործարարը: