Թուրքիայի իշխանությունները վախից դրդված են արտահերթ ընտրությունների գնում. Փերինչեք

Թուրք ազգայնական գործիչ Դողու Փերինչեքը հայտարարել է, որ Թուրքիայի իշխանությունները վախից դրդված են գնում արտահերթ ընտրությունների:

Հիշեցնենք, որ Թուրքիայի նախագահ Ռեջեփ Թայիփ Էրդողանն ու «Ազգային շարժում» կուսակցության նախագահ Դևլեթ Բահչելին հանդիպել ու քննարկել են արտահերթ ընտրությունների հարցը, և արդյունքում` որոշում է կայացվել ընտրություններն անցկացնել հունիսի 24-ին:

Ըստ Diken-ի՝ Փերինչեքը նշել է, որ, արտահերթ ընտրություններ անցկացնելով, իշխանությունները փորձում են վերացնել Սահմանադրությունը: Նա նաև իր վրդովմունքն է հայտնել, որ «Ազգային շարժում» կուսակցությունն այլևս ջնջվում է քաղաքական դաշտից՝ իր գոյությունը Էրդողանի իշխանության հետևից քարշ տալով պահպանելով: