Փողոցը փակած երիտասարդներին Նիկոլ Փաշինյանը կոչ արեց միանալ իրեն

Փողոցը փակած երիտասարդներին Նիկոլ Փաշինյանը կոչ արեց միանալ իրեն և արդեն շարժվել Հանրապետության հրապարակ, որտեղ ժամը 18:30-ին կմեկնարկի հանրահավաքը: Երևանի որոշ փողոցներ, այսպիսով, սկսեցին բացվել:

Փաշինյանն արդեն հրապարակում է: Հարցին, թե ինչի՞ մասին է խոսում այն, որ Սերժ Սարգսյանի՝ վարչապետ դառնալուն միայն 17 դեմ ձայն էր գրանցվե, նա պատասխանեց, որ դա արդեն նշանակություն չունի:

«Ժողովրդական հեղափոխությունը պետք է շարունակվի: Մեր գործողությունները տեղավորվում են ժողովրդական խաղաղ անհնազանդության մեջ»,- ասաց Փաշինյանը:

Դիտարկմանը` Սերժ Սարգսյանը, անուններ չտալով, ասել է, որ հանգած հրաբուխը չի արթնանա, եթե բզբզացողներ չլինեն, Փաշինյանը հարցով պատասխանեց, թե՝  հանգած հրաբուխ ասելով` ՀՀ ժողովրդի՞ն նկատի ունի: