Թուրք ժողովրդին նվաստացնել, ահաբեկչական քարոզչություն իրականացնել. Փայլանին և նրա 7 կուսակիցներին մեղադրանք է ներկայացվել

Անկարայի գլխավոր դատախազությունը քրդամետ Ժողովուրդների դեմոկրատական կուսակցության 8 պատգամավորի մեղադրանք է առաջադրել:

Ըստ «ԱՆադոլու» գործակալության՝ Օսման Բայդեմիրի, Ալիջան Օնլույի, Ֆելեքնաս Ուջայի, Սիբել Յիղիթալթի, Նադիր Յըլդըրըմի, Դիլեք Օջալանի  Միզգին Ըրգըթի և Կարո Փայլանի դեմ ներկայացված հայցում նրանք մեղադրվել են «թուրք ժողովրդին, Թուրքիայի պետությանն ու կառավարությանը, պետության զինվորին և ոստիկանին հրապարակավ նվաստացնելու, ահաբեկչական քարոզչություն իրականացնելու, քաղաքական կուսակցությունների օրենքին հակասող վարվելակերպ դրսևորելու և նախագահին վիրավորելու» մեջ:

Կայքը ներկայացրել է յուրաքանչյուր պատգամավորի «մեղքը» և դրանց իրականացման ամսաթիվը:

Կարո Փայլանի դեմ մեղադրանք ներկայացնելու պատճառ է դարձել նախորդ տարվա մայիսի 1-ին Կանադայում նրա հարցազրույցը, որում նա «վիրավորել է նախագահին և հրապարակավ նվաստացրել թուրք ժողովրդին, պետությանն ու կառավարությանը»: