Մեկ ժամից կմեկնարկի Արմեն Սարգսյանի երդման արարողությունը. հյուրերն արդեն ժամանում են

Այսօր` ժամը 12-ին, տեղի է ունենալու ՀՀ 4-րդ նախագահ Արմեն Սարգսյանի երդման արարողությունը: Yerkir.am-ի թղթակիցը Մարզահամերգային համալիրից հայտնում է, որ հյուրերն արդեն ժամանում են:

Արդեն եկել են ՀՀ բնապահպանության նախարար Արծվիկ Մինասյանը, տնտեսական զարգացման և ներդրումների նախարար Սուրեն Կարայանը, արտակարգ իրավիճակների նախարար Դավիթ Տոնոյանը, ինչպես նաև պատգամավորներ Աղվան Վարդանյանը, Տաճատ Վարդապետյանը, Վարդան Ղուկասյանը:

«Ծառուկյան» խմբակցության պատգամավոր Գևորգ Պետրոսյանը, պատասխանելով լրագրողների հարցին՝ արդյո՞ք Գագիկ Ծառուկյանը ներկա է լինելու երդման արարողությանը, պատասխանեց, որ տեղյակ չէ, միևնույն ժամանակ ընդգծեց, որ խմբակցությունում որոշում ունեն, որ պատգամավորները ներկա են լինելու: