Զախարովան` հայ-թուրքական արձանագրությունների չեղարկման մասին

Ռուսաստանը ելնում է Հայաստանի և Թուրքիայի հարաբերությունների կարգավորումից`  ի շահ երկու երկրների: Այդ մասին ճեպազրույցում հայտարարել է ՌԴ ԱԳՆ պաշտոնական ներկայացուցիչ Մարիա Զախարովան` մեկնաբանելով հայ-թուրքական արձանագրությունների չեղարկման մասին որոշումը:

«Ռուսական պատվիրակությունը եղել է Ցյուրիխում և ակտիվ մասնակցություն ունեցել այդ արձանագրությունների նախապատրաստման գործընթացում: Մենք գնահատական ենք տվել այդ արձանագրություններին, որը շարունակում է արդիական լինել: Մենք ելնում ենք Հայաստանի և Թուրքիայի հարաբերությունների կարգավորումից` ի շահ երկու երկրների: Մեր կողմից մենք ամեն բան արել ենք հենց այդ նպատակին հասնելու համար»,- ասել է նա: