«Արմենիա» ավիաընկերության գարնանային անակնկալը

«Արմենիա» ավիաընկերությունը Մարտի 8-ի կապակցությամբ հնարավորություն է ընձեռում իր բոլոր ուղևորներին մեկնելու պատմական Երուսաղեմ և Բեթղեհեմ աննախադեպ էժան ավիատոմսերով: Մարտի 8-ից 11-ը Երևան-Թել Ավիվ-Երևան երկկողմանի ավիատոմսի գինը ավիաընկերությունը սահմանել է 199 եվրոյին համարժեք դրամ:

Հատկանշական է, որ այս արժեքով տոմսերի քանակը տվյալ չվերթերի համար սահմանափակ չէ: Ավիաընկերությունը հաշվի է առել, որ մարտի 8-11-ը Հայաստանում ոչ աշխատանքային օրեր են:

Ավիաընկերությունը նման նախաձեռնությամբ հայաստանցիներին ուրախացրել էր նաև Ամանորի տոներին։  Այն ժամանակ ընկերությունը Թել Ավիվ, Բեյրութ, Վորոնեժ, Մինվոդի ուղղությունների համար աննախադեպ ցածր սակագներ էին սահմանվել։

Ավիաընկերությունը Երևանից Թել Ավիվ և հակառակ ուղղությամբ մշտական չվերթեր է իրականացնում 2017 թվականի մայիսի 17-ից։ Չվերթերն իրականացվում են հինգշաբթի և կիրակի օրերին։ Թռիչքի տևողությունը երկուսուկես ժամ է։