Խոշոր ավտովթար՝ Թբիլիսյան խճուղում. տուժածներից մեկի վիճակը ծայրահեղ ծանր է

Փետրվարի 7-ին` ժամը 13:59-ին, ահազանգ է ստացվել, որ Երևան քաղաքի Թբիլիսյան խճուղում` Երևանի Շամպայն գինիների գործարանի մոտ տեղի է ունեցել ՃՏՊ. կան տուժածներ, անհրաժեշտ է փրկարարների օգնությունը:

Դեպքի վայր է մեկնել մեկ մարտական հաշվարկ:

Պարզվել է, որ իրար են բախվել «Ford Transit» մակնիշի 41 OV 777 (վարորդ՝ 1987 թ. ծնված Ա. Ջ.) և Mercedes E-320 մակնիշի 35 PF 174 (վարորդ՝ Վ. Շ.) պետհամարանիշերով ավտոմեքենաները:  

Մինչ փրկարարների կանչի վայր հասնելը «Ford Transit» մակնիշի ավտոմեքենայի վարորդը և ուղևորը տեղափոխվել են «Սբ Գրիգոր Լուսավորի»չ ԲԿ, որտեղ տուժածների առողջական վիճակը գնահատվել է միջին ծանրության, իսկ «Mercedes E-320» մակնիշի ավտոմեքենայի վարորդը տեղափոխվել է «Միքայելյան վիրաբուժության ինստիտուտ», նրա առողջական վիճակը  ծայրահեղ ծանր է:

Փրկարարները հոսանքազրկել են ավտոմեքենաները, փակել դրանց գազի բալոնների փականները և մոտեցրել ավտոքարշակին: