Կրակոցներ` Աբովյան քաղաքում. 24-ամյա երիտասարդ է բերման ենթարկվել

Երեկ կրակոցներ են հնչել Կոտայքի մարզում: Ոստիկանությունից Yerkir.am-ին հայտնեցին, որ հունվարի 24-ին ոստիկանության Աբովյանի բաժնում տեղեկություն է ստացվել, որ քաղաքային մարզադաշտի հարևանությամբ կրակոցներ են հնչել:

Ոստիկաններն օպերատիվ տվյալներ իրացնելիս նույն օրը` ժամը 19:40-ի սահմաններում, Աբովյան քաղաքի Սարալանջ թաղամասից խուլիգանություն կատարելու կասկածանքով բերման են ենթարկել 1994-ին ծնված քաղաքացու, որի մոտից հայտնաբերվել է գազային ատրճանակ` իր պատյանով ու փամփուշտներով:

Երիտասարդն իրավապահներին հայտնել է, որ կրակոցներ է արձակել ատրճանակի սարքին լինելու հանգամանքը պարզելու համար: Ատրճանակն առգրավված է, կատարվում է քննություն: