Իշխանափոխության պահանջը վաղուց է դրված. Նիկոլ Փաշինյան

«Ելք» դաշինքն ընդդեմ թանկացումների երթ է սկսելու «Մոսկվա» կինոթատրոնի մոտից: Նախքան երթի մեկնարկը լրագրողների հետ զրույցում «Ելք» խմբակցության ղեկավար Նիկոլ Փաշինյանը նշեց, որ իրենց պայքարը շարունակական է լինելու:

«Ինչ վերաբերում է պարտության չտանելուն, ես հայտարարել եմ հետևյալը` այն ժամանակ, որ ժողովրդին հրավիրենք փողոց` իշխանափոխություն իրականացնելու, դա պետք է տևի մեկ շաբաթ և ոչ ավելին: Այսօր մեր կարգախոսն է` «Ո'չ թանկացումներին», ինչ կլինի հետո, կտեսնենք հետո»,- ասաց նա:

Պատգամավորը նշեց, որ իշխանափոխության պահանջը վաղուց է դրված, դա իրականացնելու համար պետք է հավաքվի կրիտիկական զանգված:

Փաշինյանը խուսափեց նախագահի թեկնածու Արմեն Սարգսյանի մասին կարծիք հայտնելուց: «Այսօր մենք իրականացնում ենք միջոցառում, մեր այսօրվա այստեղ լինելը նվիրված է միջոցառումներին, և կարգախոսն է «Ո'չ թանկացումներին»»,- ասաց նա: