Ճվճվ Արոյի որդու մասնակցությամբ վթարից մահացած տեսուչներից մեկը հունվարի 3-ին էր տղա ունեցել. «ՀԺ»

«Հայկական ժամանակը» գրում է.«Հունվարի 8-ի լուսադեմին Երևանի Սայաթ-Նովա-Աբովյան փողոցների խաչմերուկում տեղի ունեցած ողբեր­գական ավտովթարի հետևանքով ծառայողական պարտականու­թյունները կատարելիս զոհվեցին ոստիկանության ծառայողներ՝ 28- ամյա Արեգ Դավթյանը և 33-ամյա Խաչիկ Գասպարյանը:

 ՃՈ տեսուչ 28-ամյա Արեգ Դավ­թյանը Երևանի բնակիչ էր, ամուս­նացած էր և ուներ անչափահաս երեխա: Դավթյանը համակարգում աշխատել է 2013 թվականից, կոչումով՝ ավագ լեյտենանտ:

 33-ամյա Խաչիկ Գասպարյանն Արարատի մարզի Շահումյան գյուղի բնակիչ էր, կոչումով լեյտենանտ: Շահումյանի գյուղապետարանի աշխատակիցը մեր զրույցում ասաց, որ Գասպարյանը նոր էր ամուսնա­ցել, հունվարի 3-ին որդի էր ունեցել. «Երևի չի հասցրել անգամ որդուն տեսնել, մեր գյուղի ամենապարզ, բարի, խելոք տղան էր»: Նրա խոս­քով՝ Խաչիկ Գասպարյանի հայրը նույնպես աշխատել է ճանապար­հային ոստիկանությունում: ՃՈ տե­սուչը երկու քույր ուներ»,-գրում է թերթը:

 Նյութն ամբողջությամբ կարդացեք թերթի այսօրվա համարում: