Վանաձորում 24-ամյա վարորդը «Mercedes»-ով բախվել է էլեկտրասյանը. տուժածի վիճակը ծանր է

Հունվարի 4-ին, ժամը 05:11-ին ահազանգ է ստացվել, որ Լոռու մարզի Վանաձոր քաղաքի «Տարոն-1» թաղամասի մոտակայքում այրվում է «Mercedes» մակնիշի ավտոմեքենա:

Դեպքի վայր է մեկնել մեկ մարտական հաշվարկ: Պարզվել է, որ «Mercedes E320» մակնիշի 35 PF 149 պետհամարանիշով (վարորդ՝ 1994 թ. ծնված Հ. Ղ.) ավտոմեքենան դուրս է եկել ճանապարհի երթևեկելի հատվածից, բախվել փողոցի լուսավորության սյանը և բռնկվել:

Մինչ փրկարարների՝ կանչի վայր հասնելը վարորդը դուրս է եկել մեքենայից: Տուժածը հոսպիտալացվել է Վանաձորի ԲԿ, որտեղ բժիշկները տուժածի առողջական վիճակը գնահատել են միջին ծանրության:

Հրդեհը մեկուսացվել է ժամը 05:37-ին, մարվել՝ 05:51-ին: Այրվել են ավտոմեքենայի սրահը և շարժիչի խցիկը: