ՆԱՏՕ-ի գլխավոր քարտուղարը կոչ է արել Հայաստանի ու Ադրբեջանի նախագահներին` շարունակել երկխոսությունը

ՆԱՏՕ-ի գլխավոր քարտուղար Իենս Սթոլթենբերգը բարձր է գնահատել Հայաստանի և Ադրբեջանի նախագահների միջև երկխոսության վերսկսումը և կոչ արել նրանց` գնալ այդ ճանապարհով: Այդ մասին նա հայտարարել է Ադրբեջանի նախագահ Իլհամ Ալիևի հետ համատեղ մամուլի ասուլիսում. հայտնում է interfax.az-ը:

Գլխավոր քարտուղարի խոսքով` Հյուսիսատլանտյան դաշինքն աջակցում է ԵԱՀԿ ՄԽ-ի գործունեությանը: «Ես ուրախ եմ լսել Ձեր և Հայաստանի նախագահի միջև երկխոսության վերսկսման մասին: Մենք կոչ ենք անում շարունակել դեպի կարգավորման տանող ուղին բանակցությունների միջոցով` խուսափելով ինչ-որ նոր սրացումներից»,- ասել է նա:

Ալիևն, իր հերթին, դարձյալ բողոքել է, որ Հայաստանը չի կատարում ՄԱԿ ԱԽ-ի ընդունած 4 բանաձևերը: